Мемлекет басшысы референдумда дауыс берді
Астанада Мемлекет басшысы Қасым-Жомарт Тоқаев Оқушылар сарайында орналасқан №51-ші референдум учаскесінде дауыс берді.
Президент дауыс берген соң, отандық және шетелдік журналистермен өткен брифингте – бүгін еліміздің дамуы мен келешегі үшін ерекше маңызды күн екенін атап өтті. Мемлекет басшысы өз сөзінде «Еліміз 35 жыл осы құжатпен өмір сүрді. Бірақ заман бір орында тұрмайды. Сол себепті Жаңа Конституция қабылдайтын уақыт келді» деді.
