Еңбекшіқазақ ауданында алғаш рет коронарлық ангиография жасалды

Еңбекшіқазақ ауданы дәрігерлері алғаш рет жүрек-қан тамырлары ауруларына коронарлық ангиографтық тексеріс жасауды бастады. Енді аудан тұрғындарына Алматыға сабылудың қажеті шамалы. Жаңа жабдық диагностика жасаумен бірге, сапалы емдеуге де мүмкіндік береді.

50 жасар науқас Әділет Ержан жүрегі ауырып, Еңбекшіқазақ аудандық ауруханасына жедел жеткізілген.  Бұл инфаркт алдындағы жағдай болуы мүмкін. Сондықтан ақхалаттылар жаңа келген ангиограф апараты арқылы науқастың ағзасын тексеріп, нақты диагнозын анықтады.

АСҚАР РАХМАТАЛИЕВ
ИНТЕРВЕНЦИЯЛЫҚ КАРДИОЛОГ
«Біз коронарлық ангиографиялық тексеруді сәтті жасадық. Шағын өзгерістер анықталды, шамамен 10-15%, коронарлық артериялардың 20% дейін тарылуы. Дегенмен, бұл кезде ол ешқандай төңкерісті қажет етпейді. Бірақ пациентке бұл қажет емес»

Осы апараттың көмегімен  дәрігерлер науқастардың өмірін бір сағат ішінде сақтап қалуға мүмкіндік алып отыр. Яғни, аудан көлемінде диагностика жүргізу мен қажет болған жағдайда ота жасай алады.

ЖӘМИЛА ӘБЕУОВА
ЕҢБЕКШІҚАЗАҚ АУДАНДЫҚ АУРУХАНАСЫНЫҢ БАС ДӘРІГЕРІ 
«Міне ауруханамыз күрделі жөндеуден өтіп, заманауи медициналық құралдармен жабдықтап жатырмыз. Ал «Ауылдық денсаулық сақтауды жаңғырту» ұлттық жобасы аясында алынған ангиограф апараты бізге жаңаша мүмкіндіктер ашып отыр»

Алда кардиологиялық бөлімшенің  төсек-орынын  арттыру және  жүрек-қан тамырлары ауруларын емдеудің заманауи әдістерін барынша енгізу  жоспарланып отыр.